سألني طفل...................

خرج ابن ادم من العدم قلت: ياه
رجع ابن ادم للعدم قلت: ياه
تراب يحيا ... وحي يصير تراب
الاصل هو الموت ولا الحياه
جذبني طفل ملائكي الوجه كل علامات البراءه والجمال على ملامح وجهه الطفولية التي تتسم بلمحة من الحزن في عينه .
سألته : مستني حد.............؟
سكت شوية ونظر لأعلى فوجدني _ لم يعرفني_ فلم يجب
سألته مرة اخرى
اجابني بسؤال : يعني ايه " يتيم " يا أبلة؟
جاوبت عليه
قال : يا أبله في اعلان بيجي كتير في التليفزيون عن يوم اليتيم هو ليه يوم واحد بس في السنة هو بابا اليتامى كلهم بيموت في يوم واحد بس؟!!!!
للأسف سكت كتيييييييير وعجز لساني عن الكلام لفترة . ظن انني سرحت فهزني بيديه الصغيرتين ولكن كانها زلزال فقد عاد بي لايام مضت عليا منذ سنوات
قال: هو ليه يوم واحد في السنة وكمان يوم جمعة
للاسف حاولت ابسط ليه الموضوع قدر الامكان
جاوبت: قلت يا حبيبي الناس ناسية بعضها مش حد فاكر حد خالصعشان كدة بيعملو الاعلان عشان يفكروهم ، اما كونه يوم جمعة فعشان مفيش حد يقول انا مش فاضي،
ويروحوا للاطفال اللي محتاجة ليهم بلعب وحاجات حلوة كتيير ويفسحوهم.
قال: طب الاطفال دي بتحس بايه!!!
رديت بابتسامة خفيفة : اكيد بيكونو فرحانين بالحاجات الجديدة والحلوة
سكت وبص في الارض
قال : يا ابلة عارفة انا مش عاوز حاجة خالص انا عوز الناس بس تسأل عليا وتكلمني انا بكون فرحان اوي كدة .
بص على الطريق وامتلأت عيناه بالدموع وبكى بشدة ، نظرت باستغراب ... ايه حصل؟
اشار لي على الطريق
وقال: انا كنت منتظرهم ... هذا عمي ... وهذه عمتي لم ارهم منذ مدة طويلة وكنت منتظرهم لآراهم.نظرت اليهم مرة اخرى فوجتهم متجهين الى باب الخروج ومعهم عدة اطفال اخرى.
نظرت اليه سكت عن البكاء .....................
وقال: عمي عند وفاة بابا وماما قال متخافش انا مكان بابا يا حبيبي ....................
صحيت من الحلم دا لقتني هنا بس عارفة انا مش زعلان عشان في ناس كتير زيي هنا انا زعلان عشاااان هو نسيني .......... تفتكري ليه!!!!!!!!!!!!!
نظرت اليه منتظرة الاجابة منه
سكت قليلا ثم ابتسم ابتسامة حزينة وقال يمكن بابا بتاعهم لسة ميت وهبقول ليهم زي ما قال ليا زماان........................ز
تركني ومضى بعيدا وترك في سؤالا حائرا
((((((((((( هل نسيوه ...... ولا تناسوه!!!!!!!!!!!!!)))))) ولو كنت مكاني كنت قلت ايه لعمه غير
"""""""" الأقربون أولى بالمعروف""""